孤疑

噚晚同傻豬去左睇呢套美版殺人犯 呢套戲一有海報個時就已經想睇 初時真係心諗會唔會係一套恐怖片呢？ 但當睇到報紙話同香港殺人犯劇情好似個時 又再開始諗．．．美版一定好睇過港版 因為用戲入面個兩位小朋友對比 美版俾到人一種好唔舒服既感覺 雖然港版城城張海報都令人唔舒服 又雖然話兩套有九成相似 但兩套戲個主角都唔同...... 港版殺人犯真係唔到最後唔知邊個先係殺人犯 美版就照個劇情發展就知發生咩事 最後帶出黎都係兩位小朋友有問題 睇完我明白點解美版會係三級而港版得IIB 美版真正殺人落手果個係個女仔 基本上佢每一幕都會殺人 一個正常既九歲細路女係唔會咁做 講血腥就真係唔夠殺人犯多 但就因為個細路女咁奇異同血腥既行為令到呢套戲變左三級 呢兩個鐘頭坐到pat pat好痛 但佢個劇倩發展係好過殺人犯咁突然話你知個真相係咩 不過個結局就平淡左少少 所以呀.....唔好睇少d天真純倩既細路 分分鐘佢地係咩人你唔知 俾人食左你都唔知呀